1 – Ulike typar celler | viten.no

1 – Ulike typar celler
2 – Eincella og fleircella organismar

Merk! Svar blir ikkje lagra. For å lagre svar må du vere innlogga som elev og med i ein klasse.

1 – Ulike typar celler

Planteceller, dyreceller og bakterieceller er døme på ulike typar celler. Desse cellene har ein del felles kjenneteikn, men òg nokre viktige skilnader.

Kvifor lære om ulike typar celler?

Alle organismar er bygde opp av éi eller fleire celler. Men alle celler er ikkje like. Planteceller, dyreceller og bakterieceller har nokre felles kjenneteikn, men òg viktige skilnader.

Ved å forstå korleis ulike celler er bygde opp og fungerer, kan vi òg forstå kvifor bakteriar, planter og dyr ser så forskjellige ut og lever på ulike måtar.

Vi startar med å sjå på planteceller.

Planteceller

Planter er bygde opp av planteceller. Eit kjenneteikn ved planter er at dei har fotosyntese. Fotosyntesen er ein prosess som bruker energi frå sollys til å danne glukose. Planter kan derfor lage si eiga næring. Fotosyntesen går føre seg i celledelar som blir kalla kloroplaster.

Fargebilete frå mikroskop av eit tverrsnitt gjennom stilken til raudkløver, der cellene dannar eit mønster av små, runde strukturar i grønt, oransje og raudt. Ytterst ligg eit tett lag med grøne celler, medan fleire store, bogeforma oransje område med grøne felt viser leidningsvev og støttevev inne i stilken.

Celler frå raudkløver (cellene er tilsette fargestoff). Foto: Eckhard Völcker

Oppbygging av planteceller

Trykk på (+) i figuren nedanfor for å få skildringar av oppbygging og funksjon til dei viktigaste delane i planteceller.

Oppbygging seier noko om utsjånaden og strukturen til delane i cella.
Funksjon seier noko om kva slags oppgåver delane i cella utfører.

Bruk figuren til å svare på dei følgjande spørsmåla.