Oppgåver om C3-, C4- og CAM-planter

Beskriv hovudtrekka i korleis C₃-, C₄- og CAM-planter skaffar seg CO₂ til fotosyntesen.

I ein lukka behaldar som har ein konsentrasjon av CO₂ på 0,0035 %, blir det planta ei C₃-, ei C₄- og ei CAM-plante. Dei får eit lysregime med 12 timar dag og 12 timar natt. Elles er det like tilhøve med omsyn til vatn, temperatur og jordsmonn. Kva for plante trur du overlever lengst? Grunngi svaret ditt.

Hos nokre planter kan det vere svært store forskjellar i pH i løpet av eit døgn. Kva kjem dette av, og i kva for ein organell skjer dette?

Forklar korleis blada og stenglane er tilpassa slik at tapet av vatn blir minimalt hos sukkulentane.